கைதானவரை சிறையில் வந்து மிரட்டி மீட்டுச் சென்ற மர்ம கும்பல் கைது

திருவாரூர் அருகே குற்றவாளியை காவல் நிலையத்தில் புகுந்து அடாவடியாக மீட்டு சென்ற 13 பேர் கொண்ட கும்பலை காவல்துறையினர் கைது செய்தனர்.

பழையவலம் கிராமத்தைச் சேர்ந்த ராஜா, அப்பகுதியில் சட்டவிரோதமாக மதுவிற்பனையில் ஈடுபட்டதாக கூறப்படுகிறது. இதையடுத்து காவல்துறையினர் அவரைக் கைது செய்து, சிறையில் அடைத்துள்ளனர். இந்நிலையில் ராஜாவின் நண்பர்களான 13 பேர் கொண்ட கும்பல், குடிபோதையில் வைப்பூர் காவல் நிலையத்தில் புகுந்து காவலர்களை மிரட்டி, ராஜாவை மீட்டு சென்றனர். இதையடுத்து மாவட்ட கண்காணிப்பாளரின் உத்தரவின் பேரில் தனிப்படை அமைக்கப்பட்டு, நிவாஸ், மகேஸ் உள்ளிட்ட 13 பேர் கொண்ட கும்பல் பிடிக்கப்பட்டது. பின் அக்குற்றவாளிகளை நீதிமன்றத்தில் ஆஜர்படுத்தி, திருச்சி மத்திய சிறையில் அடைக்கப்பட்டனர்.