நாளை 51 தொகுதிகளில் 5ஆம் கட்ட மக்களவை தேர்தல்

5ம் கட்ட தேர்தல் நடைபெறும் 51 மக்களவை தொகுதிகளில் தேர்தல் பொருட்களை அனுப்பும் பணி நடைபெற்று வருகிறது.

மக்களவை தேர்தலில் 4 கட்ட வாக்குப்பதிவு நிறைவுற்ற நிலையில், 5 கட்டமாக நாளை தேர்தல் நடைபெற உள்ளது. இதனை முன்னிட்டு 51 தொகுதிகளில் உள்ள வாக்குப்பதிவு மையங்களுக்கு வாக்குப்பெட்டிகள் உள்ளிட்ட பொருட்களை அனுப்பும் பணி மும்முரமாக நடைபெற்று வருகிறது. நேற்றுடன் பிரசாரம் முடிவடைந்த நிலையில் உத்தர பிரதேசம், ராஜஸ்தான், பீகார் உட்பட 7 மாநிலங்களில் வாக்குப்பதிவு நடைபெற உள்ளது. மத்திய அமைச்சர்கள் ராஜ்நாத் சிங், ராஜ்நாத் சிங் ரத்தோர், ஸ்மிருதி இராணி, காங்கிரஸ் மூத்த தலைவர் சோனியா காந்தி, காங்கிரஸ் தலைவர் ராகுல் காந்தி உள்ளிட்ட முக்கிய வேட்பாளர்கள் 5ம் கட்ட தேர்தலில் போட்டியிடுவது குறிப்பிடத்தக்கது.