கொடைக்கானலில் உள்ள மகளிர் பல்கலைக்கழகத்தில் அன்னை தெரசாவின் 109 வது பிறந்தநாள் விழா சிறப்பாக கொண்டாடப்பட்டது.
திண்டுக்கல் மாவட்டம் கொடைக்கானல் அட்டுவம்பட்டியில் உள்ள அன்னை தெரசா மகளிர் பல்கலைக்கழகத்தில் அன்னை தெரசாவின் 109 வது பிறந்தநாள் விழா கொண்டாடப்பட்டது. பல்கலைக்கழக வளாகத்தில் உள்ள அவரது உருவ சிலைக்கு மாலை அணிவித்து மரியாதையை செலுத்தப்பட்டது. அன்னை தெரசா தொடர்பாக பேச்சு போட்டிகள் நடத்தப்பட்டு, அதில் வெற்றி பெற்ற மாணவிகளுக்கு பரிசுகள் வழங்கப்பட்டன. விழாவின் நிறைவு பகுதியாக மரக்கன்றுகள் நடப்பட்டன. இந்நிகழ்ச்சியில் பல்கலைக்கழக துணை வேந்தர், பதிவாளர் மற்றும் பல்கலைக்கழக பேராசிரியர்கள் மற்றும் மாணவிகள் கலந்து கொண்டனர் . 1984 ஆம் ஆண்டு அன்னை தெரசா அவர்கள் கொடைக்கானலுக்கு வந்திருந்த போது புதிய பல்கலைக்கழகம் கட்டுவதற்கான அடிக்கல்லை நாட்டி, பல்கலைக்கழகத்திற்கு தனது பெயரையும் சூட்டினார். அப்போது, தமிழக முதல்வராக எம்.ஜி.ஆர் இருந்தது குறிப்பிடத்தக்கது.
Discussion about this post