மின்சார ரயிலில் ஆபத்தான நிலையில் பயணம் மேற்கொள்ளும் மாணவர்கள்

சென்னை அம்பத்தூரில் உள்ள ஐடிஐ மாணவர்கள் மின்சார ரயிலின் படியில் தொங்கியபடி, ஆபத்தான பயணம் மேற்கொள்ளும் வீடியோ காண்போரை அதிர்ச்சியடைய வைத்துள்ளது.

கல்லூரி மாணவர்கள், கத்தி உள்ளிட்ட பொருட்களை நடைமேடையில் தேய்த்துக்கொண்டும், ரயிலின் படி மற்றும் ஜன்னலில் தொங்கியபடி பயணம் மேற்கொள்வது சமீபகாலமாக அதிகரித்து காணப்படுகிறது. இந்த நிலையில் ஆவடியில் இருந்து சென்னை சென்ட்ரலுக்கு சென்று கொண்டிருந்த மின்சார ரயிலில், அம்பத்தூர் ஐடிஐ மாணவர்கள் சிலர் படி மற்றும் ஜன்னல் கம்பிகளில் தொங்கியபடி ஆபத்தான நிலையில் பயணம் செய்தனர். மணவர்களின் இந்த ஒழுங்கீனமான செயல் ரயில் பயணிகளை முகம் சுழிக்க வைத்தது. சமூக வலைதளங்களில் வெளியான இந்த வீடியோ காட்சிகளை கைப்பற்றி போலீசார் தீவிர விசாரணை மேற்கொண்டு வருகின்றனர்.