தமிழக மீனவர்கள் மீது இலங்கை கடற்படை தாக்குதல்

புதுக்கோட்டை மாவட்டத்தில் இருந்து கடலுக்குச் சென்ற மீனவர்கள் மீது இலங்கை கடற்படையினர் தாக்குதல் நடத்தி விரட்டி அடித்தனர்.

ஜெகதாப்பட்டினத்திலிருந்து கலைவாணன் என்பவருக்கு சொந்தமான விசைப்படகில் கார்த்திக் ,ராசு, மனோகர், ஆனந்த் ஆகியோர் மீன்பிடிக்க சென்றனர். நடுக்கடலில் அவர்கள் மீன்பிடித்து கொண்டு இருந்த போது, அங்கு வந்த இலங்கை கடற்படையினர் எல்லை தாண்டி வந்ததாக கூறி மிரட்டினர். மீனவர்கள் மீது அவர்கள் தாக்குதல் நடத்தினர். இதனால் அச்சமடைந்த மீனவர்கள் உடனடியாக கரை திரும்பினர். இலங்கை கடற்படை நடத்திய தாக்குதலில் காயமடைந்த மீனவர்கள் மணமேல்குடியில் உள்ள மருத்துவமனையில் அனுமதிக்கப்பட்டுள்ளனர்.