எல்லைத் தாண்டி மீன்பிடித்ததாக கூறி இலங்கை கடற்படையால் சிறைபிடிக்கப்பட்ட தமிழக மீனவர்கள் 4 பேரை வரும் 10ம் தேதி வரை சிறையில் அடைக்க ஊர்க்காவல் துறை நீதிமன்றம் உத்தரவிட்டுள்ளது. புதுக்கோட்டை மாவட்டம் ஜெகதாப்பட்டினத்தை சேர்ந்த 4 மீனவர்கள், நெடுந்தீவு அருகே மீன்பிடித்துக் கொண்டிருந்தனர். அப்போது, அங்கு வந்த இலங்கை கடற்படையினர், எல்லைத் தாண்டி மீன்பிடித்ததாக கூறி 4 மீனவர்களையும் கைது செய்தனர்.
இதையடுத்து, கைது செய்யப்பட்ட மீனவர்கள் சதீஸ், அஜித், தர்மராஜ், ராமு ஆகியோரை வரும் 10ஆம் தேதி வரை 3 நாட்கள் சிறையில் அடைக்க ஊர்க்காவல் துறை நீதிமன்றம் உத்தரவிட்டதையடுத்து, அவர்கள் யாழ்ப்பாணம் சிறையில் அடைக்கப்பட்டனர்.
மேலும் 4 மீனவர்களை இலங்கை கடற்படையினர் சிறைபிடிப்பு
நெடுந்தீவு அருகே எல்லைத் தாண்டி மீன்பிடித்ததாக கூறி புதுக்கோட்டை மாவட்டம் கோட்டைப்பட்டினத்தை சேர்ந்த மேலும் 4 மீனவர்களை இலங்கை கடற்படையினர் சிறைபிடித்து சென்றனர். மீனவர்களின் படகையும் பறிமுதல் செய்து இலங்கை கடற்படையினர் விசாரணை நடத்தி வருகின்றனர்.
Discussion about this post