இலங்கை பாகிஸ்தான் அணிகளுக்கிடையேயான போட்டி ரத்து

இலங்கை மற்றும் பாகிஸ்தான் அணிகளுக்கு இடையே நடைபெறவிருந்த கிரிக்கெட் போட்டி, மழையின் காரணமாக ரத்து செய்யப்பட்டது.

12வது உலககோப்பை கிரிக்கெட் போட்டி இங்கிலாந்தில் நடைபெற்று வருகிறது. இதன் 11வது லீக் ஆட்டத்தில் இலங்கை மற்றும் பாகிஸ்தான் அணிகள் மோதவிருந்தன. இந்த நிலையில், போட்டி நடைபெறவிருந்த பிரிஸ்டல் மைதானத்தில், போட்டி துவங்குதற்கு முன்பிருந்தே மழை பெய்து கொண்டே இருந்தது. இதனால் மழை நின்ற பிறகு போட்டி தாமதமாக தொடங்கலாம் என ரசிகர்கள் வெகு நேரம் காத்திருந்தனர். ஆனால் மழை நிற்காமல் தொடர்ந்து பெய்ததால் போட்டி ரத்து செய்யப்படுவதாக அறிவிக்கப்பட்டது. போட்டி ரத்து காரணமாக, 2 அணிகளுக்கும் தலா ஒரு புள்ளிகள் வழங்கப்பட்டுள்ளது. இந்த ஒரு புள்ளியையும் சேர்த்து 2 அணிகளுமே 3 புள்ளிகளுடன் இருந்தாலும், நெட் ரன் ரேட் அதிகம் வைத்திருக்கும் இலங்கை அணி புள்ளிப் பட்டியலில் 3ஆவது இடத்திலும், அதையடுத்த 4 ஆவது இடத்தில் பாகிஸ்தானும் உள்ளது.