இலங்கை – ஆப்கானிஸ்தான் அணிகள் இன்று மோதல்

உலக கோப்பை கிரிக்கெட் போட்டியின் இன்றைய ஆட்டத்தில் ஆப்கானிஸ்தான் மற்றும் இலங்கை அணிகள் பலப்பரிட்சை நடத்தவுள்ளன

உலக கோப்பை கிரிக்கெட் தொடரின் 7வது போட்டி வேல்ஸில் உள்ள சோபியா கார்டன் மைதானத்தில் நடைபெறுகிறது. இதில் முன்னாள் சாம்பியனான இலங்கை – ஆப்கானிஸ்தானை எதிர்கொள்கிறது. நியூசிலாந்துக்கு எதிரான முதல் ஆட்டத்தில் இலங்கை அணி 10 விக்கெட் வித்தியாசத்தில் படுதோல்வி அடைந்தது. இதேபோல், ஆப்கானிஸ்தான் அணி தனது முதல் ஆட்டத்தில் 7 விக்கெட் வித்தியாசத்தில் ஆஸ்திரேலிய அணியிடம் தோல்வி கண்டது. இன்றைய ஆட்டத்தில் இரு அணிகளும் முதல் வெற்றிக்கு தீவிரம் காட்டும் என்பதால் ஆட்டத்தில் விறுவிறுப்புக்கு குறைவு இருக்காது. இந்திய நேரப்படி பிற்பகல் 3 மணிக்கு ஆட்டம் துவங்குகிறது.