வங்கியில் வேலை பார்த்த ஸ்பைடர்மேன்

மார்வெல் சூப்பர் ஹீரோக்கள் வரிசையில் ஸ்பைடர்மேன் கதாபாத்திரத்துக்கு என்றுமே தனிச் சிறப்புண்டு. குழந்தைகள் முதல் பெரியவர்கள் வரை என பல்லாயிரக்காண ரசிகர்களை அந்த ஸ்பைடர்மேன் கொண்டுள்ளார். அப்படிப்பட்ட ஸ்பைடர்மேன் தோற்றத்தில் ஒருவர் வங்கியில் வேலைப் பார்த்துள்ளார்.

பிரேசில் நாட்டில் வங்கி ஒன்றில் வேலைப்பார்த்து வரும் இளைஞர் ஒருவர் அந்தப் பணியில் இருந்து விலக முடிவெடுத்தார். அதன்படி வங்கிப் பணியிலிருந்து விலகும் அந்த கடைசி நாளில் அவரைப் பார்த்த அனைவரும் அதிர்ச்சியாகினர். காரணம், அவர் ஸ்பைடர்மேன் உடையணிந்து வேலைக்கு வந்திருந்தார்.
வழக்கமாக அலுவலக நண்பர்கள் யாரும் பணியிலிருந்து செல்ல நேர்ந்தால் நம்மை அறியாமல் ஒரு சோகம் நமக்குள் எட்டிப்பார்க்கும் இல்லையா! அந்த சோகத்தை காண முடியாத அந்த இளைஞர் அவர்களை மகிழ்விக்க இப்படி ஸ்பைடர்மேன் உடையணிந்து வந்து அனைவரையும் கவர்ந்தார். அவரது படங்களை மார்வெல் ஸ்பைடர்மேன் காதாப்பாத்திரத்தோடு ஒப்பிட்டு ரசிகர்கள் மீம் போட்டு கலாய்த்து வருகின்றனர்.