இன்று நிகழ்கிறது வளைய சூரிய கிரகணம்: 10 மாவட்டங்களில் தெளிவாக தெரியும்

இன்று நிகழும் வளைய சூரிய கிரகணத்தை தமிழகத்தில் 9 மாவட்டங்களில் தெளிவாகத் தெரிய வாய்ப்புள்ளது.

பூமியும்-சந்திரனும், சூரியனுக்கு நேராக ஒரே நேர்க் கோட்டில் வரும் போது சந்திரன் சூரியனை மறைத்து பூமியில் வெயில் விழாதபடி மறைக்கும் சூரியகிரகணம் இன்று நடைபெறுகிறது. சூரியனை விட சந்திரன் அளவு குறைவாக இருப்பதால் முழுமையாக சூரியனை மறைக்காது. அதனால் சூரியனின் விளிம்புப் பகுதி வெளியில் தெரியும். அதனால். சூரியனை சுற்றி சிவப்பு நிறத்துடன் கூடிய வட்ட வடிவ வளையம் தோன்றும். இன்று காலை 8.08 மணிக்கு தொடங்கும் இந்த சூரிய கிரகணம் 11.19 மணி வரை நீடிக்கும் என்றும் குறிப்பாக 9.35 மணிக்கு நேராக வரும் சந்திரன் சூரியனை மறைக்கும் இந்த நிகழ்வு சுமார் 3 நிமிடங்கள் நீடிக்கும் எனவும் தெரிவிக்கப்பட்டுள்ளது. தமிழகத்தில் இந்த நிகழ்வை ஊட்டி, கோவை, ஈரோடு, திருப்பூர், திருச்சி, புதுக்கோட்டை, சென்னை உள்ளிட்ட பகுதிகளில் காண முடியும். இந்த சூரிய கிரகணத்தை பொதுமக்கள் பார்த்து ரசிக்க சென்னையில் பல்வேறு இடங்களில் ஏற்பாடு செய்யப்பட்டுள்ளது.