சென்னை விமான நிலையத்தில் கடத்தல் பொருட்கள் பறிமுதல்

சென்னை விமான நிலையத்தில் துபாயிலிருந்து கடத்தி வரப்பட்ட 1 கோடியே 40 லட்சம் மதிப்பிலான பொருட்களை விமான நிலைய அதிகாரிகள் பறிமுதல் செய்தனர்.

சுங்கத்துறை அதிகாரிகள் விமான பயணிகளிடம் நடத்திய சோதனையில் துபாயில் இருந்து கடத்தி வரப்பட்ட 1 கோடியே 40 லட்சம் மதிப்பிலான 3 கிலோ தங்கம், 26 மடிக்கணினிகள் மற்றும் சிகரெட் பண்டல்களை பறிமுதல் செய்தனர். மேலும் இது தொடர்பாக ராமநாதபுரத்தை சேர்ந்த அப்துல் முனாப், கலந்தா அலி, சையத் குல்கரி , இப்ராகீம் மற்றும் சிவகங்கை மாவட்டத்தை சேர்ந்த சபிர்கான், புதுக்கோட்டையை சேர்ந்த அஸ்கார் அலி ஆகியோரை கைது செய்த சுங்க துறை அதிகாரிகள் விசாரணை செய்து வருகின்றனர்.