ஜாமினில் வந்தவர் ஓட ஓட விரட்டிக்கொலை – 6 பேர் கைது

சென்னை புளியந்தோப்பில் ஒருவர் ஓடஓட வெட்டிக் கொலை செய்யப்பட்ட வழக்கில் 6 பேரை போலீசார் கைது செய்துள்ளனர்.

சென்னை ஓட்டேரியில் உள்ள டோபிகண்ணா குடியிருப்பு பகுதியை சேர்ந்தவர் குமரன். தண்ணீர் கேன் வியாபாரம் செய்து வருகிறார். இவரின் மனைவி பாரதி கடந்த வருடம் உடல்நிலையில் சரியில்லாமல் இறந்துள்ளார். இதனால் மனமுடைந்த குமரன், போதை பழக்கத்திற்கு அடிமையாகியுள்ளார்.

இதனிடையே டி.பி.சத்திரம் போலீசாரால் செயின் பறிப்பு வழக்கில் கைது செய்யப்பட்ட குமரன், கடந்த ஐந்து நாட்களுக்கு முன்பு ஜாமினில் வந்துள்ளார். இந்நிலையில் கே.எம். கார்டன் இரண்டாவது தெருவில் ஐந்து பேர் கொண்ட மர்ம கும்பல் குமரனை ஓடஓட வெட்டிக்கொன்றது. சிசிடிவி காட்சியை வைத்து குற்றவாளிகளை போலீசார் தேடிவந்த நிலையில், அப்பு, அபினேஷ், தேவேந்திரன், நரேந்திரன், பிரவீன், பவித்ரன் ஆகிய ஆறு பேரை போலீசார் கைது செய்துள்ளனர். அவர்களிடம் போலீசார் விசாரணை மேற்கொண்டு வருகின்றனர்.