மீண்டும் சின்னத்திரையில் “சித்தி” சீரியல்

பெரியதிரை மட்டுமல்லாமல் சின்னத்திரை சீரியல்களிலும் தனது நடிப்பால் ரசிகர்களை கவர்ந்தவர் நடிகை ராதிகா. 90களில் ஆரம்பித்த இவரது சீரியல் பயணம் இன்றும் தொடர்கிறது. அவர் நடித்ததில் மிக முக்கியமான சீரியல் “சித்தி”. 1999ம் ஆண்டு ஒளிபரப்பான இந்த தொடருக்கு மிகப்பெரிய ரசிகர்கள் உண்டு. அதன்பிறகு 5க்கும் மேற்பட்ட சீரியல்களில் ராதிகா நடித்திருந்தாலும் சித்தி மாதிரியான ஒரு மாஸ் ஹிட் அவருக்கு கிடைக்கவில்லை.

இந்நிலையில் சில காலம் ஓய்வுக்கு பிறகு மீண்டும் சீரியல் நடிக்க தொடங்கியுள்ளார். புது மாதிரியான கதைகளில் நடிக்காமல், சின்னத்திரையில் தனக்கு பெரும் புகழைப் பெற்றுக்கொடுத்த “சித்தி” சீரியலின் இரண்டாம் பாகத்தில் நடித்து வருகிறார். சின்னத்திரை ரசிகர்களுக்கு தீபாவளி பரிசாக “சித்தி” சீரியலின் ப்ரோமோவை வெளியிட முடிவு செய்யப்பட்டுள்ளதாக தகவல் வெளியாகியுள்ளது.