அட்லி இயக்கத்தில் நடிகர் விஜய், நயன்தாரா, இந்துஜா,யோகிபாயு ஆகியோர் நடித்துள்ள திரைப்படம் “பிகில்”. இந்த படத்திற்கு ஏ.ஆர்.ரஹ்மான் இசையமைக்கிறார். படத்தை ஏஜிஎஸ் நிறுவனம் சார்பில் கல்பாத்தி அகோரம் தயாரிக்கிறார்.
நேற்றைய தினம் படத்தின் முதல் பாடலாக பாடலாசிரியர் விவேக்கின் வரிகளில் ஏ.ஆர்.ரஹ்மான் பாடிய ” சிங்கப்பெண்ணே” பாடல் வெளியானது. நீண்ட நேர காத்திருப்பிற்கு பிறகு இரவு 10 மணிக்கு வெளியான இப்பாடலை ஏ.ஆர்.ரஹ்மான் பாடிய வீடியோவை படக்குழு வெளியிட்டது.
ஏற்கனவே ஒரு வாரத்திற்கு முன்பே இந்த பாடல் இணையதளத்தில் திருட்டுத்தனமாக வெளியானது.ஆனாலும் விஜய் ரசிகர்கள் சமூக வலைத்தளத்தில் ட்ரெண்டாக்கினர்.
இந்நிலையில் 24 மணி நேரத்திற்குள்ளதாகவே 500k லைக்குகளை பெற்று சாதனைப் படைத்துள்ளது. இதனை கொண்டாடும் விதமாக #SingapenneyFastest500KLikes என்ற ஹேஸ்டேக்கை வைரலாக்கி வருகின்றனர்.
பெண்களை போற்றும் விதமாக இப்பாடலின் வரிகள் இடம் பெற்றுள்ளதாக ஏராளமானோர் பாராட்டு தெரிவித்துள்ளனர்.
Discussion about this post