குடியரசுத் தலைவர் ராம்நாத் கோவிந்தின் வருகையையொட்டி கோவையில் பாதுகாப்பு ஏற்பாடுகள் அதிகரிக்கப்பட்டுள்ளன. ஈஷாவில் நடைபெறவுள்ள சிவராத்திரி நிகழ்ச்சியில் கலந்துகொள்வதற்காக குடியரசுத் தலைவர் ராம்நாத் கோவிந்த் இன்று கோவை வருகிறார். மதியம் மூன்று முப்பது மணியளவில் தனி விமானம் மூலம் கோவை வரும் அவர், பின்னர் அவினாசி சாலையில் உள்ள விருந்தினர் மாளிகையில் ஓய்வெடுக்கிறார்.
நாளை காலை 8 மணிக்கு சூலூர் விமான தளத்தில் நடைபெறும் நிகழ்ச்சியில் கலந்துகொள்ளும் ராம்நாத் கோவிந்த், தொடர்ந்து மாலை 5 மணியளவில் ஹெலிகாப்டர் மூலமாக ஈஷாவில் நடைபெறும் சிவராத்திரி நிகழ்ச்சியில் கலந்துகொள்கிறார். அடுத்த நாள் காலை 10 மணிக்கு தனி விமானம் மூலம் அவர் டெல்லி திரும்புகிறார்.
குடியரசு தலைவர் வருகையை ஒட்டி கோவையில் 3000க்கும் மேற்பட்ட போலீசார் பாதுகாப்பு பணியில் ஈடுபட்டனர் மேலும் அவர் தங்கும் இடத்தில் கண்காணிப்பு பலப்படுத்தப்பட்டு உள்ளது.
Discussion about this post