தமிழக அளவில் சிறந்த மாநகராட்சியாக சேலம் தேர்வு

தமிழக அரசினால் சிறந்த மாநகராட்சிகளுக்கு வழங்கப்படும் விருதுக்காக சேலம் மாநகராட்சி தேர்ந்தெடுக்கப்பட்டுள்ளது.

தமிழக அரசு ஆண்டுதோறும் சிறந்த மாநகராட்சிகளுக்கான விருதுகளை வழங்கி வருகிறது. அதன்படி இந்த வருடத்தின் சிறந்த மாநகராட்சிக்கான விருது சேலத்திற்கு வழங்கப்பட்டுள்ளது. இதேபோல் சிறந்த நகராட்சிகளுக்கான விருதுகள் முறையே தருமபுரி, வேதாரண்யம். அறந்தாங்கி நகராட்சிகளுக்கு வழங்கப்படுகிறது.

சிறந்த மாநகராட்சிக்கு 25 லட்ச ரூபாய் ரொக்கப் பரிசும் சிறந்த நகராட்சிகளுக்கு முறையே 15, 10 மற்றும் 5 லட்ச ரூபாய்கள் ரொக்கப்பரிசுகளும் வழங்கப்படுகின்றன. சுதந்திர தினத்தன்று முதலமைச்சர் பழனிசாமி மாநகராட்சி மற்றும் சிறந்த மாநகராட்சிகளுக்கு பரிசுகளை வழங்குகிறார்.