புதுச்சேரி அருகே நடுக்கடலில் மூழ்கி கொண்டிருந்த படகில் இருந்த மீனவர்கள் மீட்பு

புதுச்சேரி அருகே நடுக்கடலில் பழுது ஏற்பட்டு மூழ்கி கொண்டிருந்த படகில் இருந்த மீனவர்களை சக மீனவர்கள் பத்திரமாக மீட்டனர். 

வீராம்பட்டினம் மீனவ கிராமத்தைச் சேர்ந்தவர் சிவக்குமாருடன் சேர்ந்து 8 பேர் 70 லட்சம் ரூபாய் மதிப்புள்ள மீன்பிடி விசைப்படகில் கடலுக்குள் சென்றனர். படகின் எஞ்சின் பகுதியில் ஓட்டை ஏற்பட்டு கடல்நீர் உள்ளே வேகமாகப் புகுந்து கொண்டிருந்ததால் கொஞ்சம் கொஞ்சமாகப் படகு கடலுக்குள் மூழ்க ஆரம்பித்தது. இதனைத்தொடர்ந்து மற்றொரு படகில் சென்ற மீனவர்கள் மூழ்கி கொண்டிருந்த படகில் இருந்த மீனவர்களை பத்திரமாக மீட்டு கரைக்கு கொண்டு வந்தனர்.