அதிராம்பட்டினத்தில் நகைக்கடையின் பூட்டை உடைத்து 50 லட்சம் மதிப்பிலான நகைகள் கொள்ளையடிக்கப்பட்ட சம்பவம் பெரும் அதிர்ச்சியை ஏற்படுத்தியுள்ளது
தஞ்சாவூர் மாவட்டம் பட்டுக்கோட்டை அடுத்த அதிராம்பட்டினத்தை சேர்ந்த சுபஹத்துல்லா, பழைய போஸ்ட் ஆபீஸ் சாலையில் நகைக்கடை நடத்தி வருகிறார். வழக்கம்போல் காலை கடையை திறப்பதற்காக சென்ற அவர், கடையின் பூட்டை உடைத்து நகைகளை மர்ம நபர்கள் கொள்ளையடித்து சென்றிருப்பதை அறிந்து அதிர்ச்சியடைந்தார்.
தகவலறிந்து சம்பவ இடத்திற்கு விரைந்துச் சென்ற போலீசார், மோப்ப நாய், மற்றும் கைரேகை நிபுணர்களின் உதவியுடன் அங்கு ஆய்வு செய்தனர். 50 லட்சம் ரூபாய் மதிப்பிலான நகைகள் கொள்ளையடிக்கப்பட்டதாக போலீசாரின் முதற்கட்ட விசாரணையில் தெரியவந்துள்ளது. மேலும் இந்த கொள்ளை சம்பவம் குறித்து போலீசார் வழக்கு பதிவு செய்து விசாரணை நடத்தி வருகின்றனர்.
Discussion about this post