மது அருந்தும் போது ஏற்பட்ட தகராறில் ரவுடி அடித்து கொலை

மதுரையில் மது அருந்தும் போது ஏற்பட்ட தகராரில் பிரபல ரவுடி அடித்து கொலை செய்யப்பட்ட சம்பவம் பரபரப்பை ஏற்படுத்தியுள்ளது.

விஸ்வநாதபுரம் பகுதியைச் சேர்ந்தவர் ரவுடி சதீஷ்குமார். இவர் மீது வழிப்பறி, அடிதடி தொடர்பான வழக்குகள் நிலுவையில் உள்ளன. இந்த நிலையில் மீனாட்சிபுரம் பகுதியில் உள்ள முட்புதரில் கும்பலாக அமர்ந்து மது அருந்தும் போது, ஏற்பட்ட தகராறில் சதீஷ் குமாரின் தலையில் கல்லை போட்டு கொலை செய்து விட்டு மர்ம நபர்கள் தப்பியோடினர். தகவலறிந்து உடலை கைப்பற்றிய காவல்துறையினர் வழக்கு பதிவு செய்து விசாரணை நடத்தி வருகின்றனர்.