மத்திய அரசுப் பள்ளி ஆசிரியர் தேர்வுக்கான முடிவுகள் வெளியீடு

மத்திய இடைநிலைக் கல்வி வாரியத்தால் நடத்தப்பட்ட ஆசிரியர் தகுதித் தேர்வுக்கான முடிவுகள் அறிவிக்கப்பட்டுள்ளன.

நாடு முழுவதிலும் உள்ள மத்திய அரசுப் பள்ளிகளில் ஆசிரியர்களைத் தேர்ந்தெடுப்பதற்கான தேர்வு நடைபெற்றன. மத்திய இடைநிலைக் கல்வி வாரியத்தினால் நடத்தப்பட்ட இந்தத் தேர்வின் முடிவுகள் வெளியாகியுள்ளன. 23.77 லட்சம் பேர் எழுதிய தேர்வில் 3.52 லட்சம் பேர் தேர்ச்சி பெற்றுள்ளனர். முதல் தாளில் 2.15 லட்சம் பேரும் இரண்டாவது தாளில் 1.37 லட்சம் பேரும் தேர்ச்சி பெற்றுள்ளனர்.

முதல் தாளில் தேர்ச்சி பெற்றவர்கள் ஆரம்பப் பள்ளிக்கும், 2-வது தாளில் தேர்ச்சி பெற்றவர்கள் நடுநிலைப் பள்ளிகளுக்கும் தேர்வு செய்யப்படுவர். தேர்வு முடிவுகளை இடைநிலைக் கல்வி வாரியத்தின் அதிகாரப்பூர்வ இணையதளத்தில் (https://ctet.nic.in) அறிந்து கொள்ளலாம்.