ஐபிஎல் கிரிக்கெட்: முதல் வெற்றியை பதிவு செய்தது பெங்களுரூ அணி

ஐபிஎல் போட்டியில் 7 போட்டிகளில் விளையாடியுள்ள பெங்களுரூ அணி பஞ்சாப் அணிக்கு எதிராக தனது முதல் வெற்றியை பதிவு செய்துள்ளது.

பஞ்சாப் மாநிலம் மொகாலியில், ராயல் சேலஞ்சர்ஸ் பெங்களூர் மற்றும் கிங்ஸ் லெவன் பஞ்சாப் அணிகளுக்கு இடையேயான 28-வது லீக் போட்டி நடைபெற்றது. டாஸ் வென்ற பெங்களூரு அணி முதலில் பந்துவீச்சை தேர்வு செய்தது. இதனையடுத்து களமிறங்கிய பஞ்சாப் அணி 20 ஓவர் முடிவில் 4 விக்கெட்டுகளை இழந்து 173 ரன்களை எடுத்தது. பஞ்சாப் அணியில் அதிகபட்சமாக கிறிஸ் கெய்ல் 99 ரன்கள் எடுத்தார்.

பெங்களூர் அணியில் சாஹல் 2 விக்கெட், மொயின் அலி மற்றும் முகமது சிராஜ் 1 விக்கெட் வீழ்த்தினர். இதனையடுத்து 174 ரன்கள் எடுத்தால் வெற்றி என்ற இலக்குடன் களமிறங்கிய பெங்களூர் அணி 19 புள்ளி 2 ஓவர் முடிவில் 2 விக்கெட்டுகளை மட்டும் இழந்து இலக்கை எட்டியது.

இந்த வெற்றி மூலம் இந்த ஆண்டு ஐபிஎல் போட்டியில் பெங்களூரு தனது முதல் வெற்றியை பதிவு செய்தது. பெங்களூர் அணியில் சிறப்பாக விளையாடிய விராட்கோலி 67 ரன்களும், டிவில்லியர்ஸ் 59 ரன்களும் எடுத்தனர்.