14 அணிகள் பங்கேற்கும் 20 ஓவர் உலகக் கோப்பை கிரிக்கெட் போட்டிக்கான தகுதி சுற்று ஐக்கிய அரபு அமீரகத்தில் இன்று தொடங்குகிறது.
7வது 20 ஓவர் உலகக் கோப்பை கிரிக்கெட் போட்டி, அடுத்த ஆண்டு அக்டோபர், நவம்பர் மாதங்களில் ஆஸ்திரேலியாவில் நடைபெறவுள்ளது. 16 அணிகள் பங்கேற்கும் இந்த போட்டியில், இந்தியா, பாகிஸ்தான், இங்கிலாந்து, தென்ஆப்பிரிக்கா, ஆஸ்திரேலியா உள்பட தரவரிசையில் முதல் 10 இடங்களை வகிக்கும் அணிகள் நேரடியாக தகுதி பெற்று விட்டன. எஞ்சிய 6 அணிகள், தகுதிச் சுற்று மூலம் தேர்வாகும். இந்த தகுதிச் சுற்றுப் போட்டிகள், ஐக்கிய அரபு அமீரகத்தில் உள்ள துபாய் மற்றும் அபுதாபியில் இன்று தொடங்கி அடுத்த மாதம் 2-ந்தேதி வரை நடக்கிறது.
தகுதி சுற்றில் கலந்து கொள்ளும் 14 அணிகள், 2 பிரிவாக பிரிக்கப்பட்டுள்ளன. இதில் ‘ஏ’ பிரிவில் ஸ்காட்லாந்து, நெதர்லாந்து, பப்புவா நியூ கினியா, நமிபியா, சிங்கப்பூர், கென்யா, பெர்முடா ஆகிய அணிகளும், ‘பி’ பிரிவில் ஐக்கிய அரபு அமீரகம், அயர்லாந்து, ஓமன், ஹாங்காங், கனடா, ஜெர்சி, நைஜீரியா ஆகிய அணிகளும் இடம் பெற்றுள்ளன. ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். இதில் லீக் மற்றும் ப்ளே-ஆஃப் சுற்று முடிவில், முதல் 6 இடங்களை பிடிக்கும் அணிகள், 20 ஓவர் உலகக் கோப்பை போட்டிக்கு தகுதி பெறும்.
ஜிம்பாப்வே நாட்டு கிரிக்கெட் வாரியத்திற்கு ஐ.சி.சி. தடை விதித்து இருப்பதால், அந்த அணி தகுதி சுற்றில் விளையாடவில்லை. அந்த அணிக்கு பதிலாக நைஜீரியா இடம் பிடித்துள்ளது.
Discussion about this post