திமுக வேட்பாளர் ஆ.ராசா, ஈரோடு மாவட்டம் சத்தியமங்கலம் பகுதியில் வருவதாக கூட்டணி கட்சியினருக்கு தகவல் கிடைத்தது. இதையடுத்து, சத்தியமங்கலம் எஸ்.பி.எஸ். கார்னர் முன்பு அரை மணி நேரத்திற்கு முன்பாகவே, திமுக கூட்டணி கட்சியினர் வாகனங்களை செல்ல விடாமல் மறித்துள்ளனர்.
இதனால் அப்பகுதியில் கடும் போக்குவரத்து நெரிசல் ஏற்பட்டது. மேலும், அவ்வழியாக வந்த ஆம்புலன்ஸ் வாகனங்களும் செல்ல முடியாமல், நோயாளிகளும் தவித்து வந்தனர். திமுக கூட்டணி கட்சியினரின் இந்த செயல் பொதுமக்களிடையே கடும் அதிருப்தியை ஏற்படுத்தி உள்ளது.