எய்ம்ஸ் மருத்துவமனை அடிக்கல் நாட்டு விழாவில் பிரதமர் மோடி கலந்துகொள்ள உள்ளதாக தகவல்

எய்ம்ஸ் மருத்துவமனை அடிக்கல் நாட்டு விழாவில் கலந்து கொள்வதற்காக ஜனவரி மாதம் பிரதமர் மோடி மதுரை வர உள்ளதாக தகவல் வெளியாகி உள்ளது.

மதுரை திருப்பரங்குன்றம் பகுதியில் உள்ள தோப்பூரில் எய்ம்ஸ் மருத்துவமனை அமைய உள்ளது.1500 கோடி ரூபாய் செலவில் 198 புள்ளி 27 ஏக்கரில் மருத்துவமனை அமைய உள்ளது. இந்த மருத்துவமனைக்கு மத்திய அமைச்சரவை ஒப்புதல் அளித்துள்ளது. 45 மாதங்களில் எய்ம்ஸ் மருத்துவமனை கட்டுமானம் நிறைவடையும் என எதிர்பார்க்கப்படுகிறது. இந்தநிலையில் எய்ம்ஸ் மருத்துவமனை கட்டுவதற்கான அடிக்கல் நாட்டு விழாவில் பிரதமர் மோடி கலந்து கொள்கிறார்.

இதற்கான விழா ஜனவரி மாத இறுதி அல்லது பிப்ரவரி மாத தொடக்கத்தில் நடைபெறும் என தகவல்கள் வெளியாகியுள்ளது. மதுரை புது நத்தம் பறக்கும் பாலம் திட்ட அடிக்கல் நாட்டு விழா, அரசு சூப்பர் ஸ்பெசாலிட்டி மருத்துவமனை திறப்பு ஆகியவற்றிலும் பிரதமர் கலந்து கொள்வார் என எதிர்பார்க்கப்படுகிறது.