ஆக்ரா மெட்ரோ ரயில் திட்ட கட்டுமானப் பணிகளுக்கு பிரதமர் மோடி இன்று அடிக்கல் நாட்டுகிறார். உத்தரப்பிரதேச மாநிலத்தில் 8 ஆயிரத்து 397 கோடி ரூபாய் மதிப்பில் ஆக்ரா மெட்ரோ ரயில் திட்ட கட்டுமானப் பணிகள் மேற்கொள்ளப்பட இருக்கிறது. இந்த நிலையில், இன்று நடைபெறும் நிகழ்ச்சியில் காணொலி மூலம் கலந்து கொள்ளும் பிரதமர் மோடி, கட்டுமானப் பணிகளுக்கு அடிக்கல் நாட்டுகிறார். இதன் மூலம், தாஜ் மஹால், ஆக்ரா கோட்டை, சிகந்த்ரா ஆகிய சுற்றுலா தலங்களுக்கு வழித் தடங்கள் அமைக்கப்பட இருக்கின்றன. நிகழ்ச்சியில், அம்மாநில முதலமைச்சர் யோகி ஆதித்யநாத் உட்பட பலர் கலந்து கொள்கின்றனர்.
Discussion about this post