அதிமுக சார்பில் தமிழக மக்கள் அனைவருக்கும் பொங்கல் நல்வாழ்த்து

தமிழக மக்கள் அனைவருக்கும் இனிய பொங்கல் நல்வாழ்த்துக்களை அதிமுக ஒருங்கிணைப்பாளர் ஓ பன்னீர் செல்வம், இணை ஒருங்கிணைப்பாளர் எடப்பாடி பழனிசாமி ஆகியோர் கூட்டாக தெரிவித்துள்ளனர்.

இதுகுறித்து இருவரும் வெளியிட்டுள்ள வாழ்த்துச் செய்தியில்,உலகெங்கிலும் வாழும் தமிழர்கள் உள்ளம் மகிழ்ந்து கொண்டாடும் உழவர் திருநாளாம் பொங்கல் திருநாளில் அனைவருக்கும் தங்களது இதயம் கனிந்த இனிய பொங்கல் நல்வாழ்த்துக்களை தெரிவித்துக் கொண்டுள்ளனர்.உழவர் பெருமக்களின் நலன்களை பேணி காத்திட, மறைந்த முதலமைச்சர்கள் எம்.ஜி.ஆர் மற்றும் ஜெயலலிதா பல்வேறு திட்டங்களை செயல்படுத்தி உள்ளார்கள்.

அவர்கள் வழியில் அதிமுக அரசும் விவசாயிகளின் நலன் காக்கும் அரசாக செயல்பட்டு வருகிறது என்றும் கூறியுள்ளனர்.மக்கள் அனைவருடைய இல்லங்களிலும் பொங்கட்டும் பொங்கல், இதயங்கள் தோறும் தங்கட்டும் இன்பங்கள் என்று குறிப்பிட்டுள்ள அவர்கள், தமிழக மக்கள் அனைவருக்கும் இனிய பொங்கல் நல்வாழ்த்துக்களை உரிதாக்கியுள்ளனர்.