கொரோனா முன்னெச்சரிக்கை குறித்து பிரதமர் மோடி ட்விட்டர் பதிவு

பிரதமர் மோடி வெளியிட்டுள்ள ட்விட்டர் பதிவில், கொரோனா வைரஸ் பரவுவதை கட்டுப்படுத்துவது தொடர்பாக மத்திய அரசு தீவிர நடவடிக்கை எடுத்து வருவதாக குறிப்பிட்டுள்ளார். கொரோனா பற்றிய பயத்தை தவிர்த்து, முன்னெச்சரிக்கை நடவடிக்கைகளில் அனைவரும் கவனம் செலுத்துவோம் என தெரிவித்துள்ள பிரதமர், பொது இடங்களில் பெரிய கூட்டங்களில் கலந்து கொள்வதை தவிர்ப்பது போன்றவற்றின் மூலம், கொரோனா வைரஸ் காய்ச்சல் பரவுவதை நாம் தடுக்க முடியும் என குறிப்பிட்டுள்ளார். மேலும், வெளிநாடுகளுக்கு செல்வதை மத்திய அமைச்சர்கள் சிறிது காலத்திற்கு தவிர்த்துள்ளனர் என தெரிவித்துள்ளார். அதே போன்று, பொது மக்களும் அவசியமில்லாத வெளிநாட்டு பயணங்களை கொரோனா பாதிப்பு அடங்கும் வரை தவிர்க்க வேண்டும் என கேட்டுக்கொண்டுள்ளார்.