அத்திவரதரை தரிசிக்க பிரதமர் நரேந்திர மோடி வரும் 23 ஆம் தேதி ஹெலிகாப்டர் மூலமாக காஞ்சிபுரம் வருகிறார்.
23 ஆம் தேதி காஞ்சிபுரம் வரும் பிரதமர் நரேந்திர மோடி, அன்று அத்திவரதரை தரிசனம் செய்கிறார். காஞ்சிபுரத்தில் தங்கி மறுநாள் காலையில் நின்ற கோலத்தில் எழுந்தருளும் அத்திவரதரை மீண்டும் தரிசனம் செய்கிறார். மோடியுடன், உள்துறை அமைச்சர் அமித் ஷா, முதலமைச்சர் எடப்பாடி பழனிசாமி, துணை முதலமைச்சர் ஓ.பன்னீர்செல்வம் மற்றும் மத்திய அமைச்சர்களும் வருகை தர உள்ளனர்.
பிரதமரின் வருகையையொட்டி காஞ்சிபுரம் பச்சையப்பன் கல்லூரியில் ஹெலிகாப்டர் தளம் அமைக்கப்பட்டு உள்ளது. ஹெலிகாப்டர் மூலம் அங்கு வரும் மோடி, அங்கிருந்து குண்டு துளைக்காத கார் மூலம் வரதராஜ பெருமாள் கோயிலுக்கு செல்கிறார். பிரதமர் மோடியின் வருகையையொட்டி பலத்த பாதுகாப்பு ஏற்பாடுகள் செய்யப்பட்டு வருகிறது.
Discussion about this post