5-ம் கட்ட ஊரடங்கு குறித்து “மனதின் குரல்” நிகழ்சியில் பிரதமர் மோடி தெரிவிப்பார் என தகவல்!!

கொரோனா பரவலைக் கட்டுப்படுத்தும் வகையில், நாடு முழுவதும் வரும் 31ஆம் தேதி வரை 4ஆம் கட்டமாக ஊரடங்கு அமல்படுத்தப்பட்டுள்ளது. இந்தியாவில் கொரோனா பாதிப்பு ஒரு லட்சத்து 50 ஆயிரத்தை கடந்துள்ளதால், ஊரடங்கை மேலும் 2 வாரங்களுக்கு நீட்டிக்கப்படவுள்ளதாக தகவல் வெளியாகியுள்ளது. டெல்லி, மும்பை, சென்னை உள்ளிட்ட 11 நகரங்களில் கொரோனா பாதிப்பு அதிகமாக காணப்படுகிறது. இந்தியாவில் 70 சதவீத பாதிப்பு இந்த நகரங்களில் காணப்படுவதால், கட்டுப்பாடுகள் தொடரும் என தகவல் வெளியாகியுள்ளது. பிற நகரங்களில் தளர்வுகளுடன் 2 வாரங்களுக்கு ஊரடங்கு நீட்டிக்க வாய்ப்புள்ளதாகக் கூறப்படுகிறது. இதுகுறித்த அறிவிப்பை வரும் 31 ஆம் தேதி மனதின் குரல் நிகழ்ச்சியில் பிரதமர் மோடி அறிவிப்பார் என தகவல் வெளியாகியுள்ளது.