தொடர்ந்து இறங்குமுகத்தில் உள்ள பெட்ரோல், டீசல் விலை

சென்னையில் பெட்ரோல் மற்றும் டீசல் விலை தொடர்ந்து இறங்குமுகத்தில் உள்ளதால் வாகன ஓட்டிகள் மகிழ்ச்சியடைந்துள்ளனர்.

சர்வதேச கச்சா எண்ணெயின் விலைக்கேற்ப பெட்ரோல் மற்றும் டீசல் விலையில் மாற்றம் நிலவுகிறது. இதையொட்டி தினந்தோறும் பெட்ரோல், டீசல் விலையை எண்ணெய் நிறுவனங்கள் நிர்ணயித்து வருகின்றன.

இந்நிலையில், சென்னையில் பெட்ரோல் மற்றும் டீசல் விலையை நேற்றைய விலையிலிருந்து எண்ணெய் நிறுவனங்கள் இன்றும் குறைந்து அறிவித்துள்ளன. சென்னையில் பெட்ரோல் விலை நேற்றைய விலையிலிருந்து 23 காசுகள் குறைந்து லிட்டருக்கு 73 ரூபாய் 47 காசுகளாக விற்கப்படுகிறது. இதேபோல டீசல் விலை நேற்றைய விலையிருந்து 27 காசுகள் குறைந்து லிட்டருக்கு 68 ரூபாய் 39 காசுகளுக்கு விற்பனை ஆகிறது.