பாலமேட்டில் களைகட்டும் ஜல்லிக்கட்டு

மதுரை மாவட்டம், பாலமேட்டில் உலகப் புகழ்பெற்ற ஜல்லிக்கட்டுப் போட்டி இன்று விமரிசையாக நடைபெற இருக்கிறது. இதற்கான ஏற்பாடுகள், நீதிமன்ற வழிகாட்டுதல்படி, மாவட்ட நிர்வாகத்தின் சார்பில் மேற்கொள்ளப்பட்டுள்ளன.

முன்னதாக ஜல்லிக்கட்டில் பங்கேற்கும் காளைகள் மற்றும் மாடுபிடி வீரர்களின் உடல் தகுதி பரிசோதிக்கப்பட்டு, களத்தில் பங்கேற்க அனுமதி வழங்கப்பட்டுள்ளது. அதன்படி இன்றைய போட்டியில் 988 காளைகளும், 846 மாடுபிடி வீரர்களும் களம் காண இருக்கின்றனர்.

இப்போட்டியானது காலை 8 மணி முதல் மாலை 5 மணி வரை நடக்கும் என எதிர்பார்க்கப்படுகிறது. இதையொட்டி அப்பகுதியில் காவல்துறை, தீயணைப்புத்துறை மற்றும் மருத்துவர்கள் தயார் நிலையில் உள்ளனர்.