தென் ஆப்பிரிக்காவுக்கு எதிரான போட்டியில் டாஸ் வென்ற பாகிஸ்தான் பேட்டிங் தேர்வு

உலக கோப்பை கிரிக்கெட் தொடரின் 30 வது லீக் போட்டியில், தென் ஆப்பிரிக்காவுக்கு எதிரான போட்டியில், டாஸ் வென்ற பாகிஸ்தான் அணி பேட்டிங்கை தேர்வு செய்தது.

இங்கிலாந்தில் நடைபெற்று வரும் 12 வது உலக கோப்பை கிரிக்கெட் தொடரில் தற்போது லீக் சுற்று போட்டிகள் நடைபெற்று வருகிறது. இதன் 30 வது லீக் போட்டியில் தென் ஆப்பிரிக்காவும், பாகிஸ்தான் அணியும் இன்று பலப்பரீட்சை நடத்துகின்றன. ஃபாஃப் டூ ப்ளிசிஸ் தலைமையிலான தென் ஆப்பிரிக்க அணி ஆஃப்கானிஸ்தான் அணியுடன் மட்டுமே வெற்று பெற்ற நிலையில், மற்ற போட்டிகளில் தோல்வியை சந்தித்தது. அதேபோல 5 போட்டிகளில் விளையாடியுள்ள பாகிஸ்தானும் ஒரு போட்டியில் மட்டுமே வெற்றி பெற்றது. அடுத்த சுற்று வாய்ப்பு ஏறக்குறைய மங்கியுள்ள நிலையில், இனி வரும் போட்டிகளில் வெற்றி பெற தென் ஆப்பிரிக்கா – பாகிஸ்தான் அணிகள் தீவிரம் காட்டி வருகிறது. லண்டன் லார்ட்ஸ் மைதானத்தில் நடைபெறும் இப்போட்டியில், டாஸ் வென்ற பாகிஸ்தான் அணி, பேட்டிங்கை தேர்வு செய்தது. பாகிஸ்தான் அணியின் தொடக்க ஆட்டக்காரர்களாக இமாம் உல் ஹக்கும், ஃபகார் ஸமானும் களமிறங்கி ஆடி வருகின்றனர்.