உலகக்கோப்பை கிரிக்கெட் போட்டியில், இந்திய அணி அரையிறுதிக்கு செல்லும் வாய்ப்பு உள்ளதாக முன்னாள் கிரிக்கெட் வீரர் சடகோபன் ரமேஷ் நம்பிக்கை தெரிவித்துள்ளார்.
கிருஷ்ணகிரி மாவட்டம் ஓசூரில், ஓசூர் கிரிக்கெட் லீக் போட்டிகள் நடைபெற்றன. இதில் 32 அணிகள் பங்கேற்று விளையாடின. போட்டியில் வெற்றி பெற்ற அணிகளுக்கும், சிறப்பாக விளையாடிய வீரர்களுக்கும் இந்திய கிரிக்கெட் அணி வீரர் சடகோபன் ரமேஷ் கோப்பைகள் மற்றும் பரிசுத் தொகை வழங்கினார். பின்னர் செய்தியாளர்களிடம் பேசிய அவர், இந்தாண்டு இங்கிலாந்தில் நடைபெற உள்ள உலகக்கோப்பை கிரிக்கெட் போட்டியில் இந்திய அணி அரையிறுதிக்கு செல்ல வாய்புள்ளது என்றும், ஒட்டுமொத்த அணியும் சிறப்பாக செயல்படும் பட்சத்தில் வெற்றி பெறலாம் என்றும் தெரிவித்தார்.
Discussion about this post