காசிமேடு கடலில் மீன்பிடிக்கச் சென்ற போது ஏற்பட்ட விபத்தில் காணாமல் போன மீனவரை கண்டுபிடித்துக்தரக் கோரி, மீன்வளத்துறை உதவி இயக்குனரிடம் உறவினர்கள் கோரிக்கை வைத்தனர்.
சென்னை காசிமேடு துறைமுகத்தில் இருந்து, மீன் பிடிப்பதற்காக, சேகர், ஆனந்தன் உள்ளிட்ட 5 மீனவர்கள் படகில் கடலுக்குச் சென்றுள்ளனர். அப்போது, எதிர்பாராதவிதமாக ஏற்பட்ட விபத்தில், ஆனந்தன் என்ற மீனவர் படகிலிருந்து கடலில் விழுந்து உயிரிழந்துள்ளார். அவரது உடலை சக மீனவர்கள் மீட்டுள்ளனர். ஆனால், ஆனந்தனை காப்பாற்ற கடலில் குதித்த மீனவர் சேகர் இன்னும் மீட்கப்படவில்லை என்று கூறப்படுகிறது. மீன்வளத்துறை அதிகாரிகள் உத்தரவின் பேரில், காணாமல் போன மீனவரை தேடும் பணி நடைபெற்று வருகிறது. உயிரிழந்த ஆனந்தன் மற்றும் மாயமான சேகர் குடும்பங்களுக்கு, அதிமுக சார்பில் நிதியுதவி வழங்கப்பட்டது. இந்த நிலையில், மீனவர்களின் உறவினர்கள், காசிமேடு மீன்பிடி துறைமுக பகுதி மீன்வளத்துறை உதவி இயக்குனரிடம், காணாமல் போன மீனவர் சேகரை கண்டுபிடித்து தருமாறு கோரிக்கை வைத்தனர்.
Discussion about this post