திமுக வேட்பாளர் தமிழச்சி தங்கபாண்டியன் தொகுதி பற்றி அறியாமல் வெற்று வாக்குறுதிகளை கூறி வருவதாக தென் சென்னை அதிமுக மக்களவை வேட்பாளர் ஜெயவர்தன் குற்றம்சாட்டி உள்ளார். அதிமுக தென்சென்னை வேட்பாளர் ஜெயவர்தன் கொட்டிவாக்கம் பகுதியில் வாக்கு சேகரிப்பில் ஈடுபட்டார். அப்போது அப்பகுதி மக்கள் அவருக்கு மலர் தூவியும், மாலை அணிவித்து, ஆரத்தி எடுத்தும் உற்சாக வரவேற்பு அளித்தனர்.
அப்போது செய்தியாளர்களுக்கு பேட்டியளித்த அவர், பள்ளிக்கரணை சதுப்பு நிலங்களை பாதுகாக்க நிதி ஒதுக்கி பல்வேறு கட்ட நடவடிக்கை எடுக்கப்பட்ட நிலையில் அது பற்றி தெரியாமல் திமுக வேட்பாளர் தமிழச்சி தங்கபாண்டியன் வெற்று வாக்குறுதிகளை வழங்கியுள்ளதாக தெரிவித்தார். எதிர் தரப்பினர் யாராக இருந்தாலும் அதிமுக கூட்டணி 40 தொகுதியிலும் வெற்றி பெறும் என்றும் உறுதிபட தெரிவித்தார்.
Discussion about this post