விஸ்வாசம் படத்தின் பின்னணி இசையை, ஹிந்தி படமான “ மர்ஜாவன்” ட்ரெய்லரில் பயன்படுத்திருப்பது குறித்து இசையமைப்பாளர் இமான் தனது டுவிட்டரில் கோபத்தை வெளிப்படுத்தியுள்ளார்.
மிலாப் ஜவேரி இயக்கத்தில் ரித்தேஷ் தேஷ்முக், சித்தார்த் மல்ஹோத்ரா, ரகுல் ப்ரீத் சிங் உள்ளிட்ட பலர் நடிப்பில் உருவாகியுள்ள இந்திப் படம் ‘மர்ஜாவன்’. இந்தப் படத்தின் ட்ரெய்லர் இணையத்தில் வெளியிடப்பட்ட நிலையில் you tube-ல் ட்ரெண்டாகி வந்தது. இப்படத்தின் ட்ரெய்லரில் விஸ்வாசம் படத்தின் பின்னணி இசையை பயன்படுத்திருப்பது அஜித் ரசிகர்களிடம் பெரும் அதிர்ச்சியை ஏற்படுத்தியுள்ளது.
இந்த பின்னணி இசை அஜித் விஸ்வாசம் படத்தில் அறிமுக காட்சியில் இடம் பெறும் என்பதும் குறிப்பிடத்தக்கது. மேலும் இந்த விவகாரம் குறித்து இமான் தனது ட்விட்டர் பக்கத்தில் ‘மர்ஜாவன்’ ட்ரெய்லரில் ’விஸ்வாசம்’ படத்தின் பின்னணி இசை பயன்படுத்தப்பட்டிருப்பது எனக்குத் தெரியாது,தயாரிப்பு நிறுவனத்திடமிருந்து, இசை உரிமை பெற்றுள்ள நிறுவனத்திடமிருந்தோ எந்த அனுமதியும் பெறவில்லை” என்று தெரிவித்துள்ளார்.
Discussion about this post