வைரஸ் தொற்று ஏற்பட்டவர்களை கொண்டு செல்ல புதிய வசதி ; இந்திய விமான படையினர் உருவாக்கியுள்ளனர்

கப்பல் மற்றும் விமானங்களில் வைரஸ் தொற்று ஏற்பட்டவரை கொண்டு செல்வதற்கான பிரத்யேக ஸ்ட்ரெச்சர்களை இந்திய விமான படையினர் உருவாக்கியுள்ளனர். உலகம் முழுவதும் கொரோனா வைரஸ் வேகமாக பரவி வரும் நிலையில்,  நாடு முழுவதும் சுகாதார பணிகள் தீவிரப்படுத்தப்பட்டுள்ளன. இந்நிலையில்,  தென்னிந்திய விமானப்படையினர்,  வைரஸ் தொற்று ஏற்பட்டவர்களை கொண்டு செல்வதற்கான பிரத்யேக ஸ்ட்ரெச்சர்களை உருவாகியுள்ளனர். தற்போது போர்க்கப்பல் மற்றும் விமானங்களில் உள்ள ஒருவருக்கு கொரோனா தொற்று ஏற்படும் போது கண்ணாடியால் சூழப்பட்ட இந்த ஸ்ட்ரெச்சரின் மூலம் எளிதாக கொண்டு செல்ல முடிவதாக கூறப்பட்டுள்ளது. அதேசமயம் பிறருக்கு எளிதில் நோய் தொற்று பரவாத வகையில் இந்த கண்ணாடி பேழை உருவாக்கப்பட்டுள்ளதாகவும்  இதனை பல்வேறு இடங்களில் பயன்படுத்த திட்டமிட்டிருப்பதாகவும் இந்திய விமான படை தரப்பில் தெரிவிக்கப்பட்டுள்ளது