வேலூர் மாவட்டம் வாலாஜாப்பேட்டை அறிஞர் அண்ணா அரசினர் கலைக் கல்லூரியில், புதிய வகுப்பறைகள் கட்டும் பணி தீவிரமாக நடைபெற்று வருகிறது.
சுமார் ஏழரைக் கோடி ரூபாய் மதிப்பில், நவீன வசதிகளுடன் கூடிய புதிய வகுப்பறைகள் கட்டப்பட்டு வருகின்றன. இந்த கல்லூரியில் ஏறத்தாழ 2 ஆயிரம் மாணவிகள் படித்து வருகின்றனர். இந்நிலையில், மாணவிகளின் எண்ணிக்கையை கருத்தில் கொண்டு, புதிய கட்டடம் கட்டப்பட்டு வருகிறது. நவீன வசதிகளுடன், இயற்பியல், வேதியியல், உயிரியல் ஆகிய பாடங்களுக்கென ஆய்வகங்களை கட்டும் பணியும் தீவிரமாக நடைபெற்று வருகிறது. இதனால் மகிழ்ச்சியடைந்துள்ள மாணவிகள் மற்றும் பெற்றோர், தமிழக அரசுக்கு நன்றி தெரிவித்தனர்.