“ஹிப் ஹாப் தமிழா” ஆதி நடித்துள்ள, நட்பே துணை படத்தின் ரிலீஸ் தேதியை படக்குழு அறிவித்துள்ளது.
மீசைய முறுக்கு படத்திற்கு பிறகு “ஹிப் ஹாப் தமிழா” ஆதி நடித்துள்ள படம் “நட்பே துணை”. இந்திய ஆக்கி அணியில் விளையாடி வரும் வீரராக ஆதி வலம் வருகிறார். அறிமுக இயக்குநர் பார்த்திப்பன் தேசிங்கு இப்படத்தை இயக்கி உள்ளார்.
ஆதிக்கு ஜோடியாக அனகா என்ற புதுமுகம் அறிமுகமாகிறார். கரு.பழனியப்பன் முக்கிய கதாபாத்திரத்தில் நடித்து உள்ளார். மேலும், பாண்டியராஜன், விக்னேஷ் காந்த், கௌசல்யா, எரும சாணி விஜய், ஹரிஷ் உத்தமன், ஷாரா, தங்கதுரை, அஜய் கோஷ், சுட்டி அரவிந்த், வினோத், குகன், ராஜ் மோகன், பிஜிலி ரமேஷ் உள்ளிட்ட பலரும் நடித்துள்ளனர்.
நாயகனாக நடிக்கும் ஆதியே படத்திற்கு இசையும் அமைத்துள்ளார். ஏற்கனவே, ஹிப் ஆப் ஆதி தனது சொந்த வாழ்க்கையை மையமாக வைத்து எடுக்கப்பட்ட மீசைய முறுக்கு படத்திற்கும் இசையைமைத்து இருந்தார். இந்நிலையில், நட்பே துணை படத்தின் ரிலீஸ் தேதியை படக்குழுவினர் அறிவித்துள்ளனர். ஏப்ரம் 4 முதல் திரையரங்குகளில் வெளியாகிறது.
Discussion about this post