பிரபல ரவுடியை கழுத்து அறுத்துக் கொலை: காவல்துறை விசாரனை

சென்னை ஐயப்பன் தாங்கல், பெரிய கொளுத்துவான்சேரியில் பிரபல ரவுடியை கழுத்து அறுத்துக் கொலை செய்த மர்ம நபர்களைக் காவல்துறையினர் தேடி வருகின்றனர்.

பெரிய கொளுத்துவான்சேரியைச் சேர்ந்த வசந்தகுமார் அப்பகுதியில் பிரபல ரவுடியாக வலம் வந்தார். சமீபத்தில் கொலை வழக்கு ஒன்றில் கைது செய்யப்பட்ட அவர் ஜாமினில் வெளிவந்துள்ளார். இந்நிலையில் நண்பருடன் மது குடிக்கச் சென்ற அவர், வீட்டின் அருகிலிருந்த முட்புதரில் மர்மமான முறையில் கழுத்தறுக்கப்பட்டு இறந்து கிடந்தார். இது குறித்து தகவலறிந்த காவல்துறையினர் வசந்தகுமார் உடலை மீட்டு உடற்கூறு ஆய்வுக்கு அனுப்பி வைத்தனர். மேலும் கொலை குறித்து வழக்கு பதிவு செய்து கொலையாளிகளை தீவிரமாக தேடி வருகின்றனர். இச்சம்பவம் அப்பகுதியில் பரபரப்பை ஏற்படுத்தியுள்ளது.