உலக பணக்காரர்களுக்கான புளூம்பெர்க் பட்டியலில் ரிலையன்ஸ் தலைவர் முகேஷ் அம்பானி 12-வது இடத்தை பிடித்துள்ளார்.
ரிலையன்ஸ் நிறுவனங்களில் சந்தை மதிப்பு 10 லட்சம் கோடியை எட்டியுள்ள நிலையில், அதன் தலைவர் 12-வது இடத்திற்கு முன்னேறியுள்ளது தெரியவந்துள்ளது. இந்திய பணக்காரர்களில் பட்டியலில் முகேஷ் அம்பானி முதலிடத்தில் நீடிக்கிறார். இரண்டாவது இடத்தில் அசிம் பிரேம்ஜியும் மூன்றாவது இடத்தில் ஷிவ் நாடாரும் உள்ளனர். உதய் கோட்டக் மற்றும் லட்சுமி மிட்டல் முறையே நான்கு மற்றும் ஐந்தாவது இடங்களில் இருக்கின்றனர்.
புளூம்பெர்க் பட்டியலில் 11,000 கோடி டாலர் நிகர சொத்து மதிப்புடன் மைக்ரோசாப்ட் நிறுவனர் பில்கேட்ஸ் முதலிடத்தில் உள்ளார்.