இன்று அதிமுக தலைமை அலுவலகத்தில் எம்.பி, எம்.எல்.ஏக்கள் கூட்டம்

அதிமுக எம்எல்ஏக்கள், எம்.பி.க்களின் ஆலோசனைக் கூட்டம், சென்னை ராயப்பேட்டையில் உள்ள கட்சித் தலைமை அலுவலகத்தில் இன்று நடைபெறுகிறது.

இடைத் தேர்தலைப் போலவே உள்ளாட்சித் தேர்தலிலும் வெற்றி பெற அதிமுக களப்பணியைத் துவங்கியுள்ளது. உள்ளாட்சித் தேர்தல் அறிவிப்பு விரைவில் வெளியாகும் என எதிர்பார்க்கப்படும் நிலையில், அதிமுக எம்.பி.க்கள் எம்.எல்.ஏக்கள் மற்றும் முக்கிய நிர்வாகிகளுக்கான கூட்டம் இன்று நடைபெறுகிறது.

அதிமுக ஒருங்கிணைப்பாளர் மற்றும் இணை ஒருங்கிணைப்பாளர் தலைமையில் கூட்டம் நடைபெறுகிறது. உள்ளாட்சித் தேர்தலில் ஆற்ற வேண்டிய களப்பணி குறித்தும், மாநகராட்சிகள், நகராட்சிகள் மற்றும் உள்ளாட்சி அமைப்புகளுக்கான வேட்பாளர் தேர்வு குறித்தும் விவாதிக்கப்பட உள்ளதாக தகவல்கள் வெளியாகியுள்ளன.