பொன்மகள் வந்தாள் திரைப்படத்தைத் தொடர்ந்து மேலும் 3 திரைப்படங்கள் OTT தளத்தில் வெளியாக இருக்கின்றன.
கொரோனா ஊரடங்கில் திரையரங்குகள் மூடப்பட்டுள்ளதால் திரைப்படங்களின் வெளியீடு நிறுத்திவைக்கப்பட்டுள்ளது. இதையடுத்து, சூர்யா தனது 2 டி எண்டர்டெயின்மெண்ட் மூலம் தயாரித்த பொன்மகள் வந்தாள் திரைப்படத்தை அமேசானுக்கு விற்றார். இது கடந்த மாதம் 29 ஆம் தேதி அமேசான் ப்ரைமில் வெளியாகி விமர்சன ரீதியாக நல்ல வரவேற்பைப் பெற்றது. ஆனால், வசூல் தொடர்பான தகவல் எதுவும் வெளியாகவில்லை. பொன்மகள் வந்தாள் திரைப்படம் 8 கோடி ரூபாய்க்கு அமேசானுக்கு விற்கப்பட்டதாக சொல்லப்பட்டது. அதனைத்தொடர்ந்து, கீர்த்தி சுரேஷ் நடித்துள்ள பென்குயின் திரைப்படம் OTT தள வெளியீட்டுக்குத் தயாராகி வருகிறது. அருண் விஜய் நடித்து நீண்ட நாட்களாக ரிலீசாகாமல் இருக்கும் வா டீல், ஸ்ரேயா ரெட்டி நடித்துள்ள ” அண்டாவ காணோம்”, பிரியங்கா உபேந்திரா நடித்துள்ள ‘ மம்மி சேவ் மி” ஆகிய திரைப்படங்கள் விரைவில் OTT தளத்தில் வெளியாகும் என அவற்றின் தயாரிப்பாளர் ஜே.எஸ்.கே.சதிஷ் ட்வீட் செய்துள்ளார்.
Discussion about this post