13,000 ஐ தாண்டியது கொரோனா தொற்றுக்கான உயிர் பலி!

கொரோனா வைரஸின் தாக்கம் நாளுக்கு நாள் அதிகரித்து வருகிறது. உலகம் முழுவதும் 165 நாடுகளுக்கு மேல் கொரோனா வைரஸ் பரவியுள்ள நிலையில், 3 லட்சத்து 6 ஆயிரத்து 677 பேருக்கு கொரோனா பாதிப்பு இருப்பது கண்டறியப்பட்டுள்ளது. கொரோனாவின் தாயகமான சீனாவில் 81 ஆயிரத்து 8 பேர் பாதிக்கப்பட்டுள்ளனர். சீனாவிற்கு அடுத்தப்படியாக இத்தாலியில் 53 ஆயிரத்து 578 பேர் கொரோனாவால் பாதிக்கப்பட்டுள்ளனர். இத்தாலியில், நேற்று ஒரே நாளில் மட்டும் 793 பேர் கொரோனாவிற்கு உயிரிழந்துள்ளனர். 6 ஆயிரத்து 557 பேருக்கு புதிதாக பாதிக்கப்பட்டுள்ளனர். ஸ்பெயினில் 25 ஆயிரத்து 496 பேருக்கும், அமெரிக்காவில் 25 ஆயிரத்து 896 பேருக்கும் கொரோனா இருப்பது கண்டறியப்பட்டுள்ளது. கொரோனாவிலிருந்து உலக முழுவதும் 94 ஆயிரத்து 798 பேர் குணமடைந்துள்ளனர்.