ஒருநாள் போட்டியில் மிதாலி ராஜ் உலக சாதனை

சர்வதேச ஒருநாள் கிரிக்கெட் வரலாற்றில், 200 போட்டிகளில் விளையாடி, இந்திய வீராங்கனை மித்தாலி ராஜ் சாதனைப் படைத்துள்ளார்.

நியூசிலாந்து அணிக்கு எதிரான போட்டியின் போது இந்த சாதனையை நிகழ்த்தினார். சர்வதேச ஒரு நாள் போட்டிகளில் ஆறாயிரத்து 622 ரன்களை குவித்து, அதிக ரன்கள் எடுத்த வீராங்கனை என்ற பெருமையையும் பெற்றிருக்கிறார். இந்திய அணிக்காக இதுவரை 10 டெஸ்ட் மற்றும் 85 டி20 போட்டிகளிலும் விளையாடியுள்ளார். 200 ஒருநாள் போட்டிகள் என்பது வெறும் எண்ணிக்கையே தவிர, அதை மகுடமாக எண்ணப் போவதில்லை என்று தெரிவித்தார். இந்திய அணிக்காக தொடர்ந்து விளையாடியது மகிழ்ச்சியாளிப்பதாகவும் கூறினார்.