கோவை எம்.ஜி.ஆர் சந்தையில் வெங்காயம் ரூ.30 க்கு விற்பனை

கோவை, மேட்டுப்பாளையம் சாலையில் உள்ள எம்.ஜி.ஆர் சந்தையில் பெரிய வெங்காயம் கிலோ ஒன்று 30 ரூபாய்க்கு விற்பனை செய்யப்படுகிறது..

தமிழகத்தில் கடந்த சில நாட்களாகப் பெரிய வெங்காயத்தின் விலை அதிகரித்துக் காணப்பட்டது. இந்நிலையில் மகாராஷ்டிரா, கர்நாடகா உள்ளிட்ட மாநிலங்களிலிருந்து வரத்து அதிகரித்தது. இதனைத் தொடர்ந்து கோவை மாவட்டத்தில் பெரிய வெங்காயத்தின் விலை அதிரடியாகக் குறைந்து ஒரு கிலோ 30 ரூபாய்க்கு விற்பனையானது. வரத்து அதிகரிப்பால் விலை மேலும் வீழ்ச்சியடையும் என வணிகர்கள் தெரிவித்துள்ளனர். பெரிய வெங்காயத்தின் விலை குறைந்துள்ளதால் இல்லத்தரசிகள் மகிழ்ச்சியடைந்துள்ளனர்.