புதுச்சேரி நகைகடையில் போலி நகைகளை வைத்து அங்கிருந்த நகைகளை திருடி சென்ற இளைஞரை காவல்துறையினர் கைது செய்துள்ளனர்.
புதுச்சேரியில் உள்ள அண்ணாசாலையில் ஏராளமான நகை கடைகள் செயல்பட்டு வருகிறது. இப்பகுதியில் உள்ள பிரபல நகைக்கடையில் ஊழியர்கள் நகையை சரிபார்க்கும் போது ஒரு மோதிரம் மட்டும் அதிகமாக ஜொலித்தது. இதனால் சந்தேகமடைந்த ஊழியர் நகையை சோதனையிட்ட போது கவரிங் நகை என தெரியவந்தது. இதனையடுத்தி சிசிடிவி கேமிராக்களை ஆய்வு செய்த போது மர்ம நபர் ஒருவர் மோதிரத்தை மாற்றி வைத்தது தெரியவந்தது.
இதனையடுத்து நகை கடை ஊழியர் அளித்த புகாரை அடுத்து, கண்கானிப்பு கேமிராவில் இருந்த நபரை காவல்துறையினர் கைது செய்தனர். மேலும் அவரிடமிருந்து 8 சவரன் தங்க நகை பறிமுதல் செய்யப்பட்டது.
Discussion about this post