ஈஷா யோகா மையத்தில் மகா சிவராத்திரி இன்று கோலாகலம்

மகா சிவராத்திரியையொட்டி, கோவை ஈஷா யோகா மையத்தில் இன்று இரவு முழுவதும் பிரமாண்டமான அளவில் பல்வேறு நிகழ்ச்சிகள் நடைபெறவுள்ளன.

நாடு முழுவதும் மகா சிவராத்திரி இன்று கோலாகலமாக கொண்டாடப்படுகிறது. இதையொட்டி சிவன் கோயில்களில் இரவு முழுவதும் சிறப்பு அபிஷேகங்கள் மற்றும் ஆராதனைகள் நடைபெறவுள்ளன. இந்தநிலையில், கோவையில் உள்ள ஈஷா யோகா மையத்தில் 25வது ஆண்டு மகா சிவராத்திரி விழா இன்று வெகு விமரிசையாக நடைபெறவுள்ளது. இதையொட்டி இன்று மாலை 6 மணிமுதல் நாளை காலை 6 மணிவரை பல்வேறு நிகழ்ச்சிகள் நடைபெறவுள்ளன.குடியரசு தலைவர் ராம்நாத் கோவிந்த், மத்திய ரயில்வே அமைச்சர் பியூஷ் கோயல் உள்ளிட்ட தலைவர்கள் மற்றும் சினிமா பிரபலங்களும் இந்த நிகழ்ச்சியில் கலந்து கொள்ள உள்ளனர். முக்கிய பிரமுகர்கள் மற்றும் லட்சக்கணக்கானோர் பங்கேற்க இருப்பதால் பலத்த பாதுகாப்பு போடப்பட்டுள்ளது.