தனிச்சின்னம் கேட்டு தேர்தல் ஆணையத்திற்கு கடிதம் : கிருஷ்ணசாமி

அதிமுக தலைமையிலான கூட்டணிக் கட்சிகள் போட்டியிடும் தொகுதிகளின் பட்டியலை, அதிமுக ஒருங்கிணைப்பாளர் ஓ. பன்னீர்செல்வம் வெளியிட்டார். மக்களவைத் தேர்தலில் அதிமுக 20 தொகுதிகளிலும், பாஜக – 5 தொகுதிகளிலும், பாமக – 7 தொகுதிகளிலும், தேமுதிக 4 தொகுதிகளிலும் போட்டியிடுகிறது. அதேபோல் அதிமுக கூட்டணியில் தமிழ் மாநில காங்கிரஸ், புதிய தமிழகம், புதிய நீதிக்கட்சி மற்றும் என்.ஆர். காங்கிரஸ் ஆகிய கட்சிகளுக்குத் தலா ஒரு மக்களவைத் தொகுதி ஒதுக்கீடு செய்யப்பட்டிருந்தது.

இந்நிலையில், தென்காசி நாடாளுமன்ற தொகுதியில் புதிய தமிழகம் கட்சி வேட்பாளராக தான் போட்டியிட உள்ளதாக அக்கட்சியின் தலைவர் கிருஷ்ணசாமி அறிவித்துள்ளார். சென்னை நுங்கம்பாக்கத்தில் செய்தியாளர்களை சந்தித்தபோது, அவர் இதனைத் தெரிவித்தார்.