நீலகிரியில் குடியிருப்புக்குள் புகுந்து நாய்களைக் கடித்துக் கொன்ற சிறுத்தை

நீலகிரி மாவட்டம் பைக்காராவில் குடியிருப்புக்குள் புகுந்த சிறுத்தை, நாய்களைக் கொன்று தின்ற சிசிடிவி காட்சி வெளியாகி இருப்பது அப்பகுதி மக்களிடையே அச்சத்தை ஏற்படுத்தியுள்ளது.

நீலகிரி மாவட்டம், பைக்காராவைச் சேர்ந்த பாபு என்பவரின் வீட்டிற்குள், புகுந்த சிறுத்தை, மொட்டை மாடியில் கூண்டில் வைக்கப்பட்டு இருந்த மூன்று நாய்களை அடித்துத் தின்றது. இதனைக் கண்டு அச்சமடைந்த பாபு வனத்துறையினருக்குத் தகவல் கொடுத்துள்ளார். உடனடியாக விரைந்து வந்த வனத்துறையினர், அதிக ஒளி தரும் டார்ச்சின் உதவியுடன் சிறுத்தையைக் காட்டுக்குள் விரட்டினர்.

சிறுத்தை மீண்டும் ஊருக்குள் வர வாய்ப்பிருப்பதால், அதனைக் கூண்டு வைத்து பிடிக்குமாறு அப்பகுதி மக்கள் வனத்துறையினருக்கு கோரிக்கை விடுத்துள்ளனர். இந்நிலையில் சிறுத்தை நாடமாட்டம் தொடர்பான சிசிடிவி காட்சிகள் வெளியாகி அப்பகுதி மக்களிடையே அச்சத்தை ஏற்படுத்தியுள்ளது.